Búgin Ózbekstan mámleketlik dene tárbiyası hám sport universiteti Nókis filialında  Ózbekstan Respublikası Ministrler Kabinetiniń 2021-jıl 24-sentyabr kúngi “Ijara huqıqı tiykarında jasaytuǵın studentler tárepinen tólenetuǵın ijara tólemlerin tólep beriw sistemasın engiziw is-ilajları haqqında”ǵı  605-sanlı qararınıń mazmun-mánisin filialda bilim alıp atırǵan student-jaslarǵa keńnen túsindiriw maqsetinde filial studentleri menen ushırasıw bolıp ótti.

  Ushırasıwda filial direktorınıń Jaslar máseleleri hám ruwxıy-aǵartıwshılıq isleri boyınsha birinshi orınbasarı D.Nurıshov, Jaslar menen islesiw, ruwxıylıq hám aǵartıwshılıq bólimi baslıǵı B.Sabirov hám filial profilaktika inspektorı R.Ismayılovlar tárepinen qarardıń mazmun-mánisi keńnen túsindirildi.

   Ijara shártnaması tiykarında jasap atırǵan studentler ózlerin qızıqtırǵan sorawlarına juwaplar aldı.

Filial Baspasóz xızmeti.