Ózbekstan Respublikası Prezidentiniń 2022-jıl 8-sentyabr kúngi PQ-371-sanlı qararına tiykarlanıp 2023-2024-oqıw jılınan baslap Ózbekstan Qurallı Kúshleri akademiyasında «Psixologiya (áskeriy psixolog)» tálim baǵdarı boyınsha ofitcer kadrlar tayarlaw jolǵa qoyılǵanlıǵın Ózbekstan mámleketlik dene tárbiyası hám sport  universiteti Nókis filialı student-jaslarına jaqınan tanıstırıw maqsetinde Nókis Arqa-Batıs áskeriy garnizonınıń qatardaǵı áskeriy psixolog mayor J.Kayumov hám áskeriy psixolog úlken leytenant B.Murodovlar filial studentleri menen ushırastı.

   Ushırasıw barısında taraw qánigeleri Nókis Arqa-Batıs áskeriy garnizonında hám Ózbekstan Qurallı Kúshleri akademiyasında jaratılǵan sharayatlar haqqında student-jaslarǵa túsinikler berip ótti.

   Student-jaslar ózlerin qızıqtırǵan sorawlarǵa taraw qánigelerinen juwaplar aldı.

Filial Baspasóz xızmeti.