Ózbekstan mámleketlik dene tárbiyası hám sport universiteti Nókis filialında alıs aymaqlardan kelip bilim alıp atırǵan studentler filialda «Studentler úyi» niń joqlıǵı sebepli 307 student 91 úyde ijara shártnaması tiykarında ijarada jasap kelmekte.

   Olardıń jasaw jaǵdayları filial basshıları, tyutorları hám profilaktika inspektorı tárepinen turaqlı  túrde úyrenilip, xabar alınıp kelinbekte.

  Xabar alıwlar barısında studentlerge búgingidey qıstıń qırawlı kúnlerinde jılıtıw úskenelerinen durıs paydalanıw, gaz iyisinen záhárleniwdeń aldın alıw, hár qanday júz beriwi múmkin bolǵan kewilsiz hádiselerdi boldırmaw, sabaqlarına belsene qatnasıw boyınsha, hám keshki payıtları biymezgil kóshege shıqpaw kerekligi haqqında úgit-násiyat jumısları alıp barılmaqta.

   Bunnan tısqarı úy iyesi menen ijara shártnamasın dúzip arza menen múrájat etken studentlerge Ózbekstan Respublikası Ministrler Kabinetiniń  2021-jıl 24-sentyabr kúngi «Ijara huqıqı tiykarında jasap atırǵan studentler tárepinen tólenetuǵın ijara tólemlerin tólep beriw sistemasın engiziw is-ilajları haqqında»ǵı 605-sanlı qararınıń talaplarınan kelip shıǵıp ijarada jasap atırǵan studentlerdiń ijara pullarınıń 50 procenti belgilengen tártipte tólep kelinbekte.

   Maǵlıwmat ushın: 104 Gaz avariyalıq dispeycherlik xızmeti, 101 Órt qáwipsizlik xızmeti

Filial Baspasóz xızmeti.