Jaslar arasında náshibentlik hám psixatrop zatlardıń tarqalıwınıń aldın alıw hám oǵan qarıs gúresiw maqsetinde elimizde fevral ayı Ishki isler ministrligi tárepinen «Jaslar arasında náshibentlik hám psixatrop zatlardıń tarqalıwına qarsı gúresiw» uranı astında profilaktika aylıǵı dep járiyalanǵan edi.

   Búgin Ózbekstan mámleketlik dene tárbiyası hám sport universiteti Nókis filialında usı aylıq sheńberinde «Biz náshebentlikke qarsı gúresemiz» atamasında student-jaslar menen ushırasıw bolıp ótti.

   Ushırasıwdı Jaslar máseleleri, ruwxıylıq hám aǵartıwshılıq isleri boyınsha direktordıń birinshi orınbasarı D.Nurıshov kiris sóz benen ashtı hám basqarıp bardı.

    Onnan soń sózge shıqan tiyisli taraw qánigeleri náshebentlik hám psixatrop zatlardıń insan salamatlıǵı ushın keri tásiri, unamsız áhibetleri, onıń aldın alıw baǵdarında huqıq qorǵaw uyımları tárepinen islenip atırǵan jumıslar haqqında keń túrde maǵlıwmatlar berip ótti.

   Ushırasıw sońında student-jaslar ózlerin qızıqtırǵan sorawlarına tiyisli taraw qánigelerinen juwaplar aldı.

Filial Baspasóz xızmeti.