Búgin qalamızdaǵı Respublikalıq sporttıń jeke gúres túrleri boyınsha qánigelestirilgen sport mektebinde 2023-jıl – «Insanǵa itibar hám sapalı bilimlendiriw jılı»na baǵıshlap hám Ózbekstan Respublikasına xızmet kórsetken dene – tárbiyası hám sport xızmetkeri, elimizge belgili ustaz Mambetov Jaqsımurat aǵanıń 80 jıllıq yubeleyine arnap sporttıń kurash túrinen 18 jastan joqarı 73 kg hám obsalyut salmaqtaǵı palwanlar arasında Respublikalıq obsalyut birinshiligi bolıp ótti.

   Ótkerilgen obsalyut birinshilikke Qaraqalpaqstan Respublikasınıń barlıq qala hám rayonlarınan palwanlar qatnastı.

73 kg salmaq kategoriyasında gilemge túsken palwanlar arasınan 1-orın ÓzMDTSU Nókis filialı studenti Altınbay Tilewniyazovqa, 2-orın Qońırat rayonınan kelgen Meńlibek Yuldashovqa, 3-orında Qońırat rayonınan kelgen palwan Nureshov Maǵjan hám Berdaq atındaǵı QMU studenti Abatbaev Baburlarǵa nesip etti. Al, +73 salmaq kategoriyasında gilemge túsken palwanlar arasında 1-orın ÓzMDTSU Nókis filialı studenti Zahriddin Zaytovqa, 2-orın Ájiniyaz atındaǵı NMPI studenti Azat Orınbaevqa, 3-orın Qońıratlı palwan Ergash Aytbaevlarǵa nesip etti.

   Sıylı orınlardı iyelegen palwanlar shólkemlestiriwshiler tárepinen tayarlanǵan Diplom hám qımbat bahalı estelik sawǵaları menen sıylıqlandı.

Filial Baspasóz xızmeti.