Ózbekstan mámleketlik dene tárbiyası hám sport universiteti Nókis filialında «Korrupciyanıń aldın alıw hám oǵan qarsı gúresiw» atamasında student – jaslar menen ushırasıw bolıp ótti.

  Ushırasıwda «Sport túrleri» fakulteti dekanı wazıypasın waqtınsha atqarıwshı Q.Kenjebaev, filialdıń Korrupciyaǵa qarsı gúresiw hám «Komplaens qadaǵalaw» sistemasın basqarıw bólimi bas qánigesi H.Jaliyev hám profilaktika inspektorı R.Ismaylovlar studentlerge mámleketimizde alıp barılıp atırǵan reformalar, júz beriwi múmkin bolǵan korrupciya hám onı túp tamırı menen joq etiw baǵdarında qabıl etilip atırǵan Prezident pármanları, húkimetlik qararlar, sonday-aq, korrupciyaǵa baylanıslı huqıqbuzarlıqlardıń aldın alıw, olardı anıqlaw, shek qoyıw hám oǵan imkán beriwshi, sebep hám sharayatlardı joq etiw boyınsha úgit – násiyat jumısların alıp bardı.

 Maǵlıwmat ushın: Eger siz filialda korrupciya menen baylanıslı jaǵdaylarǵa dus kelseńiz filialdıń Korrupciyaǵa qarsı gúresiw hám «Komplaens qadaǵalaw» sistemasın basqarıw bólimi tárepinen shólkemlestirilgen @ANTIKARRUPSION_SPORT_NFBOT siltemesi arqalı múrájáát jolasańız boladı.

Filial Baspasóz xızmeti