Búgin Ózbekstan mámleketlik dene tárbiyası hám sport universiteti Nókis filialında Ózbekstan Respublikası Prezidentiniń 2020-jıl 30-oktyabr kúngi «Salamat turmıs tárizin keń úgit-násiyatlaw hám ǵalabalıq sporttı jánede rawajlandırıw is-ilajları haqqında» ǵı PF-6099-sanlı pármanınıń orınlanıwın támiyinlew hám filial xızmetkerleri, professor-oqıtıwshıları arasında sporttıń stol tinnisin keń en jaydırıw maqsetinde usı sport túrinen Direktor kubogi ushın jarıs bolıp ótti.

   Jarıstı filial direktorınıń Jaslar máseleleri, ruwxıylıq hám aǵartıwshılıq isleri boyınsha birinshi orınbasarı Darmenbay Nurıshov kiris sóz benen ashtı hám qatnasıwshılarǵa tabıslar tiledi. Soń Rasul Atajanov tárepinen jarıstıń tártip qaǵıydaları qatnasıwshılarǵa belgilen tártipte túsindirildi.

  Soń Direktor kubogi ushın oyınǵa start berildi. Qızǵın bellesiwlerge bay tárizde bolıp ótken jarıs sońında erler arasında 1-orın «Sport oyınları» kafedrası oqıtıwshısı Baxıt Tilewov, 2-orın «Jeke gúres hám tábiyiy pánler» kafedrası oqıtıwshısı Alisher Yaqıpbaev, 3-orın «Sport oyınları» kafedrası oqıtıwshısı Berik Tabınbaevlarǵa nesip etken bolsa, qızlar arasında 1-orın «Jeke gúres hám tábiyiy pánler» kafedrası oqıtıwshısı Shahodat Jollıbaeva, 2-orın «Sport oyınları» kafedrası oqıtıwshısı Aynura Alimbetova hám 3-orın tyutor Maxsuda Yuldashovalarǵa nesip.

   Sıylı orınlardı iyelegen jarıs qatnasıwshıları shólkemlestiriwshiler tárepinen Diplom hám qımbat bahalı estelik sawǵaları menen sıylıqlandı.

Filial Baspasóz xızmeti.