Búgin Ózbekstan mámleketlik dene tárbiyası ham sport universiteti Nókis filialında student-jaslar arasında milletlerara tatıwlıqtı bekkemlew, jaslardıń diniy bilimlerin asırıw, olarda diniy turmıs tárizine bolǵan biyimliktiń aldın alıw maqsetinde Qaraqalpaqstan Respublikası Ministrler Keńesi tárepinen tastıyıqlanǵan reje tiykarında Ózbekstan Respublikası Din isleri boyınsha komitetiniń Qaraqalpaqstan Respublikası aymaqlıq basqarması, Respublikalıq Ruwxıy-aǵartıwshılıq orayı Nókis qalalıq bólimi hám Jazıwshılar awqamınan kelgen qánigelerdiń qatnasında filial professor-oqıtıwshılar hám student-jasları menen «Jawızlıqqa qarsı aǵartıwshılıq» atamasında ushırasıw bolıp ótti.

  Ilajdı filial direktorınıń Jaslar máseleleri, ruwxıylıq hám aǵartıwshılıq isleri boyınsha birinshi orınbasarı Darmenbaw Nurıshov kiris sóz benen ashtı hám basqarıp bardı.

  Soń sózge shıqkan taraw qánigeleri Ózbekstan Respublikası Prezidenti baslaması menen «Jawızlıqqa qarsı aǵartıwshılıq» súreni astında jaslardı ana-Watanǵa súyispenshilik ruwxında tárbiyalaw, olardıń hár qıylı diniy aǵımlarǵa qosılıp ketiwleriniń aldın alıw. Sonday-aq, sońǵı jılları elimizde jaslardıń bilim alıwları ushın jaratılǵan múmkinshlikler haqqında keń túrde maǵlıwmatlar berip ótti.

  Ilaj barısında qatnasıwshılar ózlerin qızıqtırǵan sorawlarına tiyisli taraw qánigelerinen juwaplar aldı.

Filial Baspasóz xızmeti.