Búgin, 1-mart báhár máwsiminiń dáslepki kúni, belgili shayıra Zulfiya Isroilova tuwılǵan kún.

  Onıń tákirarlanbas talantı, ana Watanǵa bolǵan muxabbatı, ózine tán páziyleti, xalqımızdıń ruwxıy mádeniyatın joqarılatıw baǵdarında islegen miynetleri joqarı húrmet hám maqtawǵa ılayıq.

   Sáne múnásibeti mene 1-mart kúni Ózbekstan mámleketlik dene tárbiyası hám sport universiteti Nókis filialı Hayal-qızlar máseleleri boyınsha keńesi tárepinen Zulfiya Isroilovanıń tuwılǵan kúni múnásibeti menen «Zulfiya izbasarları» atamasında ádebiy keshe shólkemlestirildi.

   Kesheni filial direktorınıń Jaslar máseleleri, ruwxıylıq hám aǵartıwshılıq isleri boyınsha birinshi orınbasarı D.Nurıshov kiris sóz benen ashtı hám shayıranıń miynet jolı haqqında jıynalǵanlarǵa maǵlıwmat berip ótti.

   Ilaj barısında filial student qızları shayırdıń dóretpelerin, ózleriniń jazǵan qosıqların sheberlik penen oqıp berdi. Qosıqlarınan tásirlengen qatnasıwshı qızlar hár qıylı súwretler sızdı.

   Sonday-aq, «Zulfiya» atındaǵı mámleketlik sıylıqtıń lawreatı Zamira Alieva men de ushırasıw shólkemlestirildi.

   Student qızlar ózlerin qızıqtırǵan sorawlarına «Zulfiya» atındaǵı mámleketlik sıylıqtıń laureatınan juwaplar aldı.

Báhár Allambergenova,

Hayal-qızlar máseleleri boyınsha keńesi baslıǵı.