Keleshegimiz bolǵan jaslardıń hár tárepleme jetik shaxs bolıp qáliplesiwinde tálim-tárbiyanıń tutqan ornı úlken. Bunı jaqsı túsingen Ózbekstan mámleketlik dene tárbiyası hám sport universiteti Nókis filialı professor-oqıtıwshıları bar mehri menen student-jaslarǵa bilim beriw menen birge tárbiyalıq saatlarınada ayrıqsha itibar qaratıp kelmekte.

   Filialdıń Jaslar menen islesiw, ruwxıylıq hám aǵartıwshılıq bólimi tárepinen student-jaslardıń tálim-tárbiyası, sabaqqa qatnası hám júz beriwi múmkin bolǵan jınayatlardıń aldın alıw maqsetinde ushırasıw shólkemlestirildi.

  Ushırasıwdı filial direktorınıń Jaslar máselesi, ruwxıylıq hám aǵartıwshılıq isleri boyınsha birinshi orınbasarı D.Nurıshov kiris sóz benen ashtı hám basqarıp bardı.

  Onnan soń «Sport túrleri» fakulteti dekanı w.w.a Q.Kenjebaev, filial profilaktika inspektorı R.Ismaylovlar sózge shıqtı hám olar óz sózinde studentlerge filialdıń ishki tártibine qatań ámel etiw kerekligi, sonıń menen birge studentlik dáwirinde berilgen imkaniyatlardan únemli paydalanıp professor-oqıtıwshılar tárepinen berilip atırǵan bilimlerdi waqtında ózlestirip alıw boyınsha úgit-násiyat jumısların alıp bardı.

Filial Baspasóz xızmeti.