Qaraqalpaqstan Respublikası Joqarǵı Keńesi Baslıǵı usı jıldıń 1-mart kúni jınayatshılıqtıń aldın alıw hám jámiyetlik qáwipsizlikti támiyinlew haqqındaǵı máselelerge arnalǵan videoselektor májilisin ótkergen edi.

  Ózbekstan mámleketlik dene tárbiyası hám sport universiteti Nókis filialında video selektor májilisinde kóterilgen máselelerden kelip shıǵıp studentlerdiń arasında júz beriwi múmkin bolǵan jınayatlardıń aldın alıw maqsetinde filial student-jasları menen Qaraqalpaqstan Respublikası IIM janındaǵı Tergew basqarması aǵa tergewshisi kapitan M.Bekmuratov hám Nókis rayonı IIB janındaǵı Tergew toparı sorastırıwshısı aǵa leytenant S.Yusupovlar qatnasında ushırasıw bolıp ótti.

   Ushırasıwdı direktordıń Jaslar máseleleri, ruwxıylıq hám aǵartıwshılıq isleri boyınsha birinshi orınbasarı D.Nurıshov ashtı hám basqarıp bardı.

  Bunnan soń sózge shıqqan tiyisli taraw qánigeleri dáslep huqıq qorǵaw uyımları tárepinen jınayatshılıq hám huqıqbuzarlıqtıń aldın alıw, jámiyetlik qáwipsizlikti támiyinlew, orınlarda túrli jınayatlardı boldırmaw baǵdarında alıp barılıp atırǵan jumıslar, usı kúnge shekem respublikamızda jaslar tárepinen júz bergen jınayatlar, olarǵa tiyisli tártipte nızam sheńberinde kórilgen sharalar haqqında aytıp ótti hám student-jaslardı hár qanday huqıq buzarlıqlardan awlaq bolıúǵa shaqırdı.

Filial Baspasóz xızmeti.