Ózbekstan mámleketlik dene tárbiyası hám sport universiteti Nókis filialında bilim alıp atırǵan student-jaslardıń sabaqlarǵa qatnası, tártibi, kiyiniw mádeniyatı, ulıwmalastırıp aytqanda ishki tártibke boysınıwı haqqında olardıń ata-anaların jaqınnan tanıstırıw maqsetinde ata-analar jıynalısı bolıp ótti.

    Ushırasıwǵa qatnasqan ata-analarǵa dáslep Ózbekstan Respublikası Prezilentiniń Pármanları, húkimetlik qararlar, biylikler tiykarında  filial miynet jámááti tárepinen islenip atırǵan jumıslar haqqında keń túrde maǵlıwmatlar berildi.

    Soń hár bir studentiń tártibi, sabaqqa qatnası, erisip atırǵan jetiskenlikleri hám sabaqlarǵa qatnası tómen studentler, bunnan tısqarı, ayrım oqıwdan shetletilgen studentler haqqında maǵlıwmatlar berildi.

   Bunnan tısqarı perzentleriniń sabaqlarǵa úlgeriwin baqlap barıw ushın hár bir ata-anaǵa filial tyutorları hám professor-oqıtıwshıları menen tıǵız baylanısta bolıw kerekligi haqqında usınısların berdi. Sonday-aq, ata-analar qálese perzentiniń sabaqlarınada qatnasıp olardıń oqıwlarǵa úlgeriwleri qay dárejede ekenligin biliw huqıqlarıda bar ekenligi boyınsha túsinikler berip ótti.

    Ushırasıwǵa kelgen ata-analar oqıw barısı, perzentleriniń qosımsha shınıǵıwlarǵa menen shuǵılanıwı, sport jarıslarına qatnasıwı sıyaqlı sorawlarına filialdaǵı juwapker qánigelerden juwaplar aldı.

Filial Baspasóz xızmeti.