Elimizde jaslar tálim-tárbiyasına ayrıqsha itibar qaratılmaqta. Olardıń hár tárepleme bilimli jetik qánigeler bolıp turmısqa kirip barıwları ushın barlıq sharayatlar jaratılmaqta. Jaslar ushın jaratılǵan múmkinshiliklerden olardıń tolıq paydalanıp atırǵanlıǵı yaki paydalana almay atırǵanlıǵı turaqlı túrde tiyisli taraw qánigeleriniń dıqqat-itibarında bolıp kelmekte.

 Búgin Ózbekstan Respublikası Jaslar siyasatı hám sport ministri Adxam Ilxamovich Ikramov Ózbekstan mámleketlik dene tárbiyası hám sport universiteti Nókis filialında boldı hám ol jerde student-jaslarǵa jaratılǵan oqıw ornınıń ishki imkaniyatları menen jaqınnan tanıstı.

  Sabaq barısın hár bir auditoriyaǵa kirip kórdi hám student-jaslar menen oqıw barısı boyınsha sáwbetlesiwler alıp bardı.

  Soń filialda bilim alıp atırǵan student-jaslar menen ushırastı.

Filial Baspasóz xızmeti.