Qaraqalpaqstan Respublikası Konstituciyası 1993-jılı on ekinshi shaqırıq Qaraqalpaqstan Respublikası Joqarǵı Sovetiniń on ekinshi sessiyasında qabıl etilgen. Bıyıl Qaraqalpaqstan Respublikası Konstituciyasınıń qabıl etilgenine 30 jıl toldı.

   Konstituciya hár bir mámlekettiń kelbeti hám keleshegin belgilewshi eń joqarı yuridikalıq kúshke iye bol¬ǵan Tiykarǵı nızam esaplanadı. Ózbekstan mámleketlik dene tárbiyası hám sport universiteti Nókis filialında Qaraqalpaqstan Respublikası Konstituciyasınıń qabıl etilgenine 30 jıl tolıwı múnásibeti menen ilaj bolıp ótti.

   Oǵan jámiyetlik shólkemlerdiń wákilleri, professor-oqıtıwshılar, tyutorlar hám student-jaslar qatnastı.

   Ilajdı filial direktorı B.Mambetov basqarıp bardı.

   Dáslep, Ózbekstan hám Qaraqalpaqstan Respublikalarınıń mámleketlik gimnleri jańladı.

 Soń Qaraqalpaqstan Respublikası Joqarǵı Keńesiniń komitet baslıǵı Sh.Ótemisov hám Qaraqalpaqstan Respublikası salıq basqarması baslıǵı X.Bekchanovlar shıǵıp sóylep, Konstituciya mámleketimizdiń tiykarǵı nızamı bolıp, insan mápleri, onıń huqıqları, erkinlikleri, ar-namısı hám qádir qımbatın támiyinlewshi eń áhmiyetli huqıqıy hújjet ekenligi haqqında maǵlıwmat berip ótti.

  Ilajda atap ótilgenindey, Konstituciya elimiz puqaralarınıń erk-ıqrarın ózinde sáwlelendiriwshi, insan huqıqları menen erkinliklerin támiyinlewshi, mámleketlik hákimiyat uyımlarınıń xızmetin tártipke salıwshı hám jumıs alıp barıw principlerin belgilewshi eń joqarı yuridikalıq kúshke iye bol¬ǵan Bas nızam esaplanadı. Konstituciyanıń ayrıqsha áhmiyetke iye tárepi – onıń mazmun-mánisi hám huqıqıy kúshi tolıǵı menen huqıqıy mámleket hám puqaralıq jámiyetti qurıw¬ǵa hám bulardıń barlıǵınıń insan máplerine xızmet etiwine baǵdarlaydı. Qaraqalpaqstan xalqın milletiniń qanday bolıwına qaramastan onıń puqaraları quraydı. Demek, respublikamız aymaǵında jasawshı barlıq xalıqlar, milletler Konstituciya aldında teń huqıqqa iye hám ol hámmeniń mápin birdey qorǵaydı.

  Ilaj sonında qatnasıwshılar ózleriniń qızıqtırǵan sorawlarına tiyisli taraw qánigelerinen juwap aldı.

Filial Baspasóz xızmeti.