Etnosport túrlerin elimiz boylap en jaydırıw, balalar hám jas óspirimlerdi bul sport túrine keńnen qamtıp alıw hám rawajlandırıw maqsetinde Ózbekstan mámleketlik dene tárbiyası hám sport universiteti Nókis filialınıń shólkemlestiriwinde oraylıq «Turan» stadionında Qaraqalpaqstan Respublikası Xalıq Bilimlendiriw bólimine qaraslı ulıwma orta bilim beriw mekteplerinde bilim alıp atırǵan 12-13 jas aralıǵındaǵı jaslardıń qatnasıwında «Milliy sport túrleri hám xalıq oyınları» atamasında sport jarısların ótkeriw rejelestirilip atırǵanlıǵı haqqında xabar bergen edik.

   Búgin oraylıq «Turan» stadionında «Milliy sport túrleri hám xalıq oyınları» atamasındaǵı sport jarısına start berildi.

  Jarıstı filial direktorınıń Jaslar máseleleri, ruwxıylıq hám aǵartıwshılıq isleri boyınsha birinshi orınbasarı D.Nurıshov kiris sóz benen ashıp berdi hám jarıs qatnasıwshılarına tasqın tabıslar tiledi.

  Jarıs qatnasıwshıları xalqımızdıń milliy oyınlarınıń biri bolǵan balalardıń dıqqatın rawajlandırıw qol hám qol barmaqlarınıń bulshıq etlerin shınıqtırıw maqsetinde oynalatuǵın «Bektas», «Lanka» hám «Qazan» oyınları boyınsha óz-ara kúsh sınaspaqta.

  Jeńimpazlardı shólkemlestiriwshiler tárepinen tayarlanǵan  Diplom hám estelik sawǵaları kútpekte.

Filial Baspasóz xızmeti.