Student-jaslarǵa korrupciya haqqında keńnen túsinik beriw hám júz beriwi múmkin bolǵan korrupciyanıń aldın alıw maqsetinde  Ózbekstan mámleketlik dene tárbiyası hám sport universiteti Nókis filialında «Biz korrupciyaǵa qarsımız» atamasında ushırasıw bolíp ótti.

  Ushırasıwdı filial direktorınıń Jaslar máseleleri, ruwxıylıq hám aǵartıwshılıq isleri boyınsha birinshi orınbasarı D.Nurıshov kiris sóz benen ashtı hám basqarıp bardı. Ol óz sózinde student-jaslarǵa joqarı oqıw orınlarında korrupciyaǵa qarsı gúresiw baǵdarında alıp barılıp atırǵan is-ilájlar haqqında keń túrde maǵlıwmatlar berip ótti.

  Bunnan soń filialdıń Korrupciyaǵa qarsı gúresiw «Komplaens-qadaǵalaw» sistemasın basqarıw bólimi bas qánigesi Q.Jienbaev sózge shıǵıp student-jaslarǵa Ózbekstan Respublikası Jınayat Kodeksinde kórsetilgen korrupciyaǵa baylanıslı statyalarında belgilengen jaza túrleri boyınsha túsinikler berip ótti.

  Bunnan tısqarı hár bir professor-oqıtıwshını, hár bir studenti bunday jámiyet ushın qáwipli iletlerden awlaq bolıwǵa, sonday-aq, eger korrupciyalıq jaǵdaydıń gúwası bolǵanda tezlik penen filialdıń Korrupciyaǵa qarsı gúresiw hám «Komplaens qadaǵalaw» sistemasın basqarıw bólimi tárepinen shólkemlestirilgen @ANTIKARRUPSION_SPORT_NFBOT mánziline xabar beriwge shaqırdı.

Filial Baspasóz xızmeti.