Ózbekstan mámleketlik dene tárbiyası hám sport universiteti Nókis filialında «Referendum hám jaslar» forumı joqarı keypiyatta shólkemlestirildi.

  Forumda hár qıylı xalıqaralıq hám respublikalıq tańlawlardıń jeńimpazları, Zulfiya atındaǵı mámleketlik sıylıqtıń laureatı, Jáhán, Aziya chempionları «Zamanlas-zamanlasqa» principi tiykarında Ózbekstan Respublikasınıń jańa redakciyadaǵı Konstituciyası tuwralı óz pikir-usınısların bildirdi.

  Sonıń ishinde, Konstituciya jaslardıń máplerin támiyinlewge, ilim hám bilimlendiriwdi jańa basqıshta rawajlandırıwǵa qaratılǵanlıǵın atap ótip, jaslardı Konstituciyalıq nızam joybarı boyınsha ótkeriletuǵın referendumda belsene qatnasıwǵa shaqırdı.

  Student-jaslarda jańa redakciyadaǵı Ózbekstan Respublikası Konstituciyası boyınsha ózleriniń pikirlerin, ámelge asırılıp atırǵan reformalarǵa, jańa ózgerislerge múnásibetlerin bildirdi.

   Sebebi, Konstituciya keleshegimizdiń aydınlıǵın támiyinleytuǵın joqarı dárejedegi hújjet bolıp tabıladı.

Joqarı dárejede shólkemlestirilgen forumda estrada juldızları, kórkem óner ǵayratkerleriniń koncert baǵdarlaması jıynalǵanlarǵa joqarı keypiyat baǵıshladı.

  Gala-koncert kórinisinde ótkerilgen forumlarda elimizdegi áhmiyetli siyasiy waqıya – referendumnıń áhmiyeti, jańa redakciyadaǵı Konstituciyamızdıń mazmun-mánisi student-jaslarǵa keńnen túsindirildi.

Filial Baspasóz xızmeti.