Voleybolshı qızlarımız Qaraqalpaqstan chempionı
Ózbekstan mámleketlik dene tárbiyası hám sport universiteti Nókis filialında bilim alıp atırǵan student-jaslarıda respublikamızda ótkerilip atırǵan sport jarıslarında tańlaǵan sport túrleri boyınsha jaqsı nátiyjelerge erisip kelmekte.
Filialımız student-jasları arasınan dúzilgen saylandı komandası aǵzaları búgin 2001-2005-jılı tuwılǵan qız balalar arasında voleybol sport túrinen ótkerilgen Qaraqalpaqstan chempionatında barlıq qarsılaslarınan ústin kelip 1-orındı iyelewi sózimizdiń ayqın mısalı.
Qaraqalpaqstan chempionatında 1-orındı iyelegen saylandı komandamız aǵzaları shólkemlestiriwshiler tárepinen Diplom menen sıylıqlandı.
Sonday-aq, 27-aprel hám 3-may kúnleri aralıǵında Xorezm wálayatında ótkeriliwi rejelestirilip atırǵan Ózbekstan chempionatına qatnasıw huqıqına iye boldı.
Saylandı komanda aǵzaların jarısqa M.Yuldashova tayarladı.
Filial Baspasóz xızmeti.