Etnosport túrlerin elimiz boylap en jaydırıw, balalar hám jas óspirimlerdi bul sport túrine keńnen qamtıp alıw hám rawajlandırıw maqsetinde Ózbekstan mámleketlik dene tárbiyası hám sport universiteti Nókis filialınıń shólkemlestiriwinde usı jıldıń 7-8-aprel kúnleri oraylıq «Turan» stadionında Qaraqalpaqstan Respublikası Xalıq Bilimlendiriw bólimine qaraslı ulıwma bilim beriw mekteplerinde bilim alıp atırǵan 12-13 jas aralıǵındaǵı jaslardıń qatnasıwında «Milliy sport túrleri hám xalıq oyınları» atamasında sport jarısları bolıp ótken edi.

Jarıs qatnasıwshıları xalqımızdıń milliy oyınlarınıń biri bolǵan balalardıń dıqqatın rawajlandırıw qol hám qol barmaqlarınıń bulshıq etlerin shınıqtırıw maqsetinde oynalatuǵın «Bektas», «Lanka» hám «Qazan» oyınları boyınsha óz-ara kúsh sınastı.

Qızǵın bellesiwlerge bay tárizde bolıp ótken jarıs juwmaǵında Nókis qalalıq xalıq bilimlendiriw bólimine qaraslı ulıwma bilim beriw mektepleri arasında «Bektas» milliy oyını boyınsha:

1-orın 9-sanlı ulıwma bilim beriw mektebi oqıwshısı Jasmina Usnatdinova,

2-orın 42-sanlı ulıwma bilim beriw mektebi oqıwshısı Gulsáwir Tórebaeva,

3-orın 31-sanlı ulıwma bilim beriw mektebi oqıwshısı Araylim Muratovalarǵa nesip eti. Al, «Lanka» milliy oyını boyınsha:

 1-orın 17-sanlı ulıwma bilim beriw mektebi oqıwshısı Jandos Karinbaev,

2-orın 9-sanlı ulıwma bilim beriw mektebi oqıwshısı Qudiyar Mamutov,

3-orın 15-sanlı ulıwma bilim beriw mektebi oqıwshısı Sultamurat Mamutovlarǵa nesip etti.

«Qazan» milliy oyını boyınsha:

1-orınǵa 2-sanlı ulıwma bilim beriw mektebi komandası,

2-orınǵa 9-sanlı ulıwma bilim beriw mektebi komandası,

3-orınǵa 21-sanlı ulıwma bilim beriw mektebi komandası jeńip alıwǵa miyasar boldı.

Al, rayonlıq xalıq bilimlendiriw bólimine qaraslı ulıwma bilim beriw mekterleri arasında «Bektas» milliy oyını boyınsha:

1-orın Qońırat rayonı mektebi, 2-orın Qanlıkól rayonı mektebi, 3-orın Nókis rayonı mektebi oqıwshıları jeńimpaz dep tabıldı. Al, «Lanka» milliy oyını boyınsha:

1-orın Qanlıkól rayonı mektebi, 2-orın Kegeyli rayonı mektebi, 3-orın Moynaq rayonı mektebi oqıwshılarına nesip etti.

«Qazan» milliy oyını boyınsha:

1-orınǵa Qońırat rayonı mektebi komandasına,

2-orınǵa Qanlıqól rayonı mektebi komandası,

3-orınǵa Shomanay rayonı mektebi komandası jeńip alıwǵa miyasar boldı.

Jeńimpazlar Ózbekstan mámleketlik dene tárbiyası hám sport universiteti Nókis filialı tárepinen Diplom hám estelik sawǵaları menen sıylıqlandı.

Filial Baspasóz xızmeti.