Ózbekstan mámleketlik dene tárbiyası hám sport universiteti Nókis filialında búgingi kúnde studentler turaq jaylarınıń joqlıǵı sebepli 307 student 91 úyde ijara shártnaması tiykarında ijara úylerinde jasap kelmekte.

   Olarǵa ijara pullarınıń belgilengen muǵdarı filial tárepinen óz waqtında tólep berilip kelinbekte.

  Filial direktorınıń Jaslar máseleleri hám ruwxıylıq-aǵartıwshılıq isleri boyınsha birinshi orınbasarı D.Nurıshov, filialdıń profilaktika inspektorı R.Ismaylov, Hayal-qızlar máseleleri boyınsha másláhátshisi B.Allambergenova, tyutor M.Yuldasheva, «Sport oyınları» kafedrası prafessor-oqıtıwshıları A.Alimbetova, N.Palwaniyazovalar ijarada jasawshı qızlardıń halınan xabar alıp, jasaw jaǵdayları menen jaqınnan tanıstı.

  Olar student qızlarǵa ijara úylerin taza tutıw, keshte biymezgil kóshege shıqpaw, sabaqlarǵa tolıq qatnasıw, gaz plitalarınan durıs paydalanıw kerekligi boyınsha túsindiriw jumısların alıp bardı.

B.Allambergenova,

Filial direktorınıń Hayal-qızlar máseleleri boyınsha másláhátshisi.