Ózbekstan Respublikası Prezidentiniń 2017-jıl 14-marttaǵı «Huqıqbuzarlıqlar profilaktikası hám jınayatshılıqqa qarsı gúresiw sistemasın jánede jetilistiriw is-ilajları haqqında»ǵı PQ-28 33-sanlı qararı tiykarında hár hápteniń piyshembi kúni profilaktika kúni dep belgilengen edi.

 Usı jıldıń 20-aprel kúni Qaraqalpaqstan Respublikası Transportta qáwipsizlikti támiyinlew basqarması Nókis aeroportı qáwipsizlikti támiyinlew bólimshesi aǵa inspektorı, aǵa leytenant Nurbek Mambetkarimov, Nókis qalalıq ishki isler uyımlarınıń jumısın muwapıqlastırıw basqarması huqıqbuzarlıqlar profilaktikası bólimi hayal-qızlar máseleleri boyınsha aǵa inspektorı podpolkovnik Ayjamal Namenovanıń qatnasıwında Ózbekstan mámleketlik dene tárbiyası hám sport universiteti Nókis filialında «Hayal-qızlar huqıqları, erkinlikleri hám nızamlı máplerin qorǵaw» atamasında filialda bilim alıp atırǵan student qızlar menen ushırasıw bolıp ótti.

 Ushırasıwdı filial direktorınıń hayal-qızlar máseleleri boyınsha másláhátshisi B.Allambergenova kiris sóz benen ashtı hám basqarıp bardı.

 Soń ushırasıwǵa kelgen taraw qánigeleri tárepinen hayal-qızlar huqıqları, erkinlikleri hám nızamlı máplerin qorǵaw, huqıqıy bilimlerin jetilistiriw boyınsha maǵlıwmatlar berip ótti.

 Bunnan soń turmısımızda júz berip atırǵan jınayatlardıń tiykarǵı sebepleri, oǵan imkán beriwshi sharayatlar hám onıń aldın alıw baǵdarında islenip atırǵan ilajlar haqqında keń túrde maǵlıwmatlar berip ótti. Sonıń menen birge bilip bilmey islengen hár qanday jınayatqa belgilengen tártipte jaza tayın ekenligin ayrıqsha atap ótti.

 Ushırasıw qatnasıwshıları taraw qánigelerinen ózlerin qızıqtırǵan sorawlarına juwaplar aldı.

 Bolıp ótken ushırasıwǵa filial direktorınıń Jaslar máseleleri hám ruwxıy-aǵartıwshılıq isleri boyınsha birinshi orınbasarı D.Nurıshov hám profilaktika inspektorı R.Ismaylovlar qatnastı.

Filial Baspasóz xızmeti.