Ózbekstan mámleketlik dene tárbiyası hám sport universiteti Nókis filialında psixolog hám «Tadbirkor ayol» Ózbekstan Isbilermen hayallar associaciyası Qaraqalpaqstan Respublikası bólimi qánigeleriniń qatnasıwında student-jaslardıń pikirlew hám oylaw qábiletin joqarılatıw, olardı kásipke baǵdarlaw boyınsha psixologiyalıq trening ótkerildi.

 Treningti filial direktorınıń hayal-qızlar máseleleri boyınsha másláhátshisi B.Allambergenova kiris sóz benen ashtı hám bul ilajdı ótkeriwdiń tiykarǵı maqsetine toqtap ótti. Sonıń menen birge taraw qánigeler menen student jaslardı tanıstırdı.

 Seminar trening dawamında psixolog qánigeler student jaslardıń hár biri menen pikirlesip, ómirde ushırasatuǵın mashqalalar hám olarǵa sheshim tabıw jolları boyınsha túsinikler berdi hám trening interaktiv soraw juwaplar menen dawam etti.

 Trening sheńberinde «Tadbirkor ayol» Ózbekstan Isbilermen hayallar associaciyası Qaraqalpaqstan Respublikası bólimi qánigesi K.Babajanova filialdaǵı biznes hám jeke isbilermenlik tarawına qızıǵıwshılǵı bar bolǵan student-jaslar ushın seminar shólkemlestirildi.

 Isbilermenlikke qızıǵıwshılıǵı bar qatnasıwshılarǵa  biznes reje dúziw hám óz isbilermenligin baslaw boyınsha zárúr bolǵan maǵlıwmatlar berildi.

 Sonıń menen birge Respublikamızdaǵı biznes tarawı boyınsha nátiyjeli tabıslarǵa erisken hám erisip atırǵan isbilermen hayallardı turmıslıq mısal retinde keltirip ótildi.

 Treningke filial direktorınıń Jaslar máseleleri hám ruwxıy-aǵartıwshılıq isleri boyınsha birinshi orınbasarı D.Nurıshov qatnastı.

Filial Baspasóz xızmeti.