Student-jaslarınıń bos waqıtların mazmunlı ótkeriw, júziw sport túrin jánede rawajlandırıw. Usı jıldıń sentyabr ayında ótkeriliwi rejelestirilgen Qaraqalpaqstan kubogına talantlı sportshılardı tańlap alıw hám Ózbekstan mámleketlik dene tárbiyası hám sport universiteti Nókis filialı saylandı komandasın qáliplestirip Qaraqalpaqstan chempionatına tabıslı qatnasıp, noyabr ayında ótkeriliwi názerde tutılıp atırǵan Ózbekstan kubogine jollama alıw maqsetinde filial studentleri arasında Respublikalıq suw sportı túrleri boyınsha qánigelestirilgen sport mektebinde filial báhárgi birinshligi bolıp ótti. Sport jarısın filialı direktorınıń Jaslar máseleleri hám ruwxıylıq-aǵartıwshılıq isleri boyınsha birinshi orınbasarı D.Nurıshov kiris sóz benen ashıp berdi.

Qızǵın bellesiwlerge bay tárizde bolıp ótken jarıs sońında er balalar arasında 50 metrge erkin usılda júziw boyınsha;

1-orın «Qol tobı» qánigeliginiń studenti S.Ergashbaev, 

2-orın «Erkin gúres» qánigeliginiń studenti N.Qarlıbaev,

3-orın «Kurash» qánigeliginiń studenti J.Bekbaltaev.

50 metrge shalqasına júziw usılı boyınsha;

1-orın «Qol tobı» qánigeliginiń studenti S.Ergashbaev,

2-orın «Erkin gúres» qánigeliginiń studenti N.Qarlıbaev,

3-orın «Kurash» qánigeliginiń studenti N.Xojambetovlarǵa nesip etti.

Al, qız balalar arasında 50 metrge erkin usılda júziw boyınsha;

1-orın «Kurash» qánigeliginiń studenti S.Uzaqbaeva,

2-orın «Jeńil atletika» qánigeliginiń studenti G.Raximovalar iyeledi.

Jeńimpazlar Ózbekstan mámleketlik dene tárbiyası hám sport universiteti Nókis filialı tárepinen Diplom hám medallar menen sıylıqlandı.

Filial Baspasóz xızmeti.