Student-jaslarınıń bos waqıtların mazmunlı ótkeriw hám shaxmat túrin jánede rawajlandırıw maqsetinde filial student-jasları arasında Ózbekstan mámleketlik dene tárbiyası hám sport universiteti Nókis filialı birinshiligi bolıp ótti.

 Filial birinshiligin filialı direktorınıń Jaslar máseleleri hám ruwxıylıq-aǵartıwshılıq isleri boyınsha birinshi orınbasarı D.Nurıshov kiris sóz benen ashıp berdi.

 Jaqsı tayarlıqlar menen kelgen jarıs qatnasıwshıları ishinen er balalar arasında 1-orın «Shaxmat» qánigeliginiń 1-kurs studenti Begench Toraev, 2-orın «Shaxmat» qánigeliginiń 2-kurs studenti Azimjon Raximov, 3-orındı «Shaxmat» qánigeliginiń 3-kurs studenti Merdan Toraevlar iyelegen bolsa, qız balalar arasında 1-orın «Shaxmat» qánigeliginiń 2-kurs studenti Ayna Toraeva, 2-orın «Shaxmat» qánigeliginiń 1-kurs Surayyo Pardabaeva hám 3-orındı «Shaxmat» qánigeliginiń 4-kurs «Psixologiya (sport)» qánigeliginiń studenti Gulayım Jiyemuratovalar iyeledi.

 Jeńimpazlar Ózbekstan mámleketlik dene tárbiyası hám sport universiteti Nókis filialı tárepinen Diplom hám medallar menen sıylıqlandı.

Filial Baspasóz xızmeti.