Student-jaslar menen islesiw nátiyjeliligin asırıw, olardıń bos waqıtların mazmunlı shólkemlestiriw, sonday-aq, olar arasında kitap oqıw mádeniyatın qáliplestiriw hám  kitap oqıwǵa bolǵan qızıǵıwshılıǵın arttırıw maqsetinde hár jılı turaqlı ráwishte joqarı oqıw orınları studentleri arasında «Eń jaqsı kitapqumar student» respublikalıq tańlawı ótkerilip kelinbekte.

 Usı tiykarda Ózbekstan mámleketlik dene tárbiyası hám sport universiteti Nókis filialı student-jasları arasında «Eń jaqsı kitapqumar student» respublikalıq tańlawınıń filial basqıshı bolıp ótti.

 Oǵan filialda bilim alıp atırǵan student-jaslar qatnastı hám belgilengen shártler boyınsha óz-ara kúsh sınastı.

 Tóreshiler quramı tárepinen bilimliler ishinen toptı jarıp shıqan «kórkem gimnastika» qánigeliginiń 1-kurs studenti Barno Abatova 1-orınǵa, «psixologiya (sport)» qánigeliginiń 1-kurs studenti Lobar Orazımbetova 2-orınǵa, «psixologiya (sport)» qánigeliginiń 1-kurs studenti Umida Ǵaniyevalar 3-orınǵa múnásip dep tabıldı.

 Sıylı orınlardı iyelegen qatnasıwshılar shólkemlestiriwshiler tárepinen Diplom menen sıylıqlandı hám 1-orındı iyelegen qatnasıwshı tańlawdıń keyingi basqıshına qatnasıw huqıqın jeńip aldı.

Filial Baspasóz xızmeti.