Sońǵı jıllarda dene táriyası hám sporttı ǵalabalastırıw ushın zárúr sharayatlar jaratıw maqsetinde húkimetimiz tárepinen bir qatar is-ilajlar ámelge asırılmaqta.

  Sonı ayırıqsha atap óiw orınlı dene tárbiyası hám sport penen turaqlı shuǵıllanıwshı puqaralardıń sanın elede kóbeytiw Jańa Ózbekstan Háreketler strategiyasınıń 67-maqsetinde óz sáwleleniwin tapqan.

  Yaǵnıy, onda dene tárbiyası hám sport penen turaqlı shuǵıllanıwshılar sanın 2026-jılda 33 procentke jetkeriw, jaslar arasında milliy sport túrlerin ǵalabalastırıw, milliy olimpiada sport oyınların ótkeriw baǵdarlamasın islep shıǵıw hám ámelge asırıw, onı joqarı dárejede shólkemlestiriw hám jeńimpaz hám sıylı orın iyelerin xoshametlew wáziypaları belgilengen.

  Ózbekstan mámleketlik dene tárbiyası hám sport universiteti Nókis filialında Qaraqalpaqstan Respublikası Jaslar siyasatı hám sport ministrliginen kelgen qánigeler qatnasında «Bes baslama olimpiadası» sheńberinde joqarı oqıw orınları studentleri arasında ǵalaba sport oyınların ótkeriw tártibin filial student-jaslarına keńnen túsindiriw maqsetinde ushırasıw bolıp ótti.

  Ushırasıwdı filial direktorınıń Jaslar máseleleri hám ruwxıy-aǵartıwshılıq isleri boyınsha birinshi orınbasarı D.Nurıshov kiris sóz benen ashtı hám basqarıp bardı.

 Soń ministrlikten kelgen taraw qánigeleri sport jarısların ótkeriw, jarıstıń maqset, wáziypaları, sport túrleri boyınsha jarıslardı shólkemlestiriw, jeńimpaz hám sıylı orın iyelerin sportshılardı anıqlaw, olardı xoshametlew tártibi, sport jarsıların qarjılandırıw derekleri, talapnamalardı beriw múddetleri boyınsha keń túrde túsinikler berip ótti.

 Qatnasıwshılar ózlerin qızıqtırǵan sorawlarına tiyisli taraw qánigelerinen juwaplar aldı.

 Ushırasıwǵa filialdıń profilaktika inspektorı R.Ismaylov qatnastı.

Filial Baspasóz xızmeti.