Ózbekstan Respublikası Joqarı bilimlendiriw, ilim hám innovaciyalar ministrligi hám Ózbekstan Jaslar awqamı Oraylıq Keńesiniń 2023-jıl 29-mart kúngi «Ózbekstan Jaslar awqamınıń joqarı bilimlendiriw mákemelerindegi is-ilájlar haqqında»ǵı qararı tiykarında Ózbekstan mámleketlik dene tárbiyası hám sport universiteti Nókis filialında Jaslar awqamı baslanǵısh shólkem jetekshisiniń yaǵnıy fakultet kordinatorın saylaw maqsetinde student-jasları menen ushırasıw bolıp ótti.

  Ushırasıwda filial Jaslar awqamı jetekshisi Islam Jaqsımuratov sózge shıǵıp sóyledi hám fakultet koordinatorı, «Intellektual joybarlar» koordinatorı, «Bes baslama joybarı» koordinatorı, «Áskeriy Watan súyiwshilik joybarları» koordinatorı, «Isbilermenlik hám innovaciyalar joybarı» koordinatorı, «Jaslar dápteri» hám metsenatlik baǵdarlamaları» koordinatorı, «Student qızlar» koordinatorların saylaw boyınsha túsinikler berdi.

  Koordinator bolıwǵa qızıǵıwshı student – jaslar ózlerin qızıqtırǵan sorawlarına juwaplar aldı.

 Maǵlıwmat ornında fakultet koordinatorı hám joqarıda atı kórsetilgen koordinatorlarına Ózbekstan Jaslar awqamınıń joqarı bilimlendiriw mákemelerindegi baslanǵısh shólkem Jaslar Keńesi aǵzaları (koordinatorı) hám fakultet koordinatorı olardıń tálim alıw forması (mámleketlik grand, tólemli shártnama tiykarında kúndizgi, sırtqı, keshki) hám ózlestiriw kórsetkishlerine qaramastan joqarı bilimlendiriw mákemeleriniń byudjetten tısqarı qarjıları «Studentlerdi qollap-quwatlaw» qorı esabınan Awqamnıń joqarı bilimlendiriw mákemelerindegi baslanǵısh shólkem Jaslar jetekshisiniń usınısına tiykar joqarı bilimlendiriw mákemesiniń rektorı, direktorınıń buyrıǵı menen hár ayda bazalıq stipendiyanıń úsh esesi muǵdarına teń bolǵan qosımsha materiallıq jaqtan xoshametlenip barıladı.

Filial Baspasóz xızmeti.