Ózbekstan mámleketlik dene tárbiyası hám sport universiteti Nókis filialında Qaraqalpaqstan Respublikası Ishki isler ministrligi, Din isleri boyınsha komiteti Qaraqalpaqstan Respublikası aymaqlıq basqarması Nókis qalalıq qánigeleri hám Nókis qalası «Muxammad baqıy iyshan» jámáátlik meshiti imam xatibi qatnasıwında «Jınayatshılıq, diniy ekstremizim hám kibrjınayatshılıqtıń aldın alıw» atamasında student-jaslar menen ushırasıw bolıp ótti.

  Ushırasıwdı Jaslar máseleleri hám ruwxıylıq-aǵartıwshılıq isleri boyınsha direktordıń birinshi orınbasarı D.Nurıshov kiris sóz benen ashtı hám basqarıp bardı.

  Soń Qaraqalpaqstan Respublikası Ishki isler ministrligi Kibir qáwipsizlik bólimi baslıǵı D.Seytmuratov, Operativ izlew xızmeti terrorezimge qarsı gúresiw basqarması qánigesi podpolkovnik A.Bekchanovlar búgingi kúnde respublikamızda júz berip atırǵan jınayat, kibrjınayatlar hám olardıń aldın alıw baǵdarında islenip atırǵan is-ilajlar haqqında keń túrde túsinikler berip ótti. Onnan soń sózge shıqqan Din isleri boyınsha komiteti Qaraqalpaqstan Respublikası aymaqlıq basqarması Nókis qalalıq bas qánigesi Q.Nezametov hám Nókis qalası «Muxammad baqıy iyshan» jámáátlik meshiti imam xatibi Sh.Kudaybergenovlar sózge shıǵıp olar ózlerine student-jaslardı dindi nıqap etip alǵan ayırım ǵárez niyetli aǵımlar hám olardıń tásirine túsip qalıwdan awlaq bolıwǵa shaqırdı.

  Soń ilaj qatnasıwshılarına taraw qánigeleri tárepinen video rolik qoyıp berildi.

  Sonday-aq, studentler ózlerin qızıqtırǵan sorawlarına qánigelerden juwaplar aldı.

  Ilajǵa filialdıń profilaktika inspektorı R.Ismaylov qatnastı.

Filial Baspasóz xızmeti.