Respublikalıq qan quyıw stanciyası shıpakerleri Ózbekstan mámleketlik dene tárbiyası hám sport universiteti Nókis filialı studentleri menen ushırasıw ótkerdi.

Ilajda shıpakerler tárepinen qıstawlı hám ayrıqsha jaǵdaylarda, onkologik, gematologik nawqaslarǵa, tuwıw payıtındaǵı qan ketiwlerde nawqaslardı emlew ushın birden bir qáwipsiz qan rezervin jaratıw hám qan xızmetin rawajlandırıw ushın elimizde islenip atırǵan bir qatar is-ilajlar haqqında keń túrde túsinikler berip ótti.

Soń shıpakerler filial miynet jámááti hám studentlerden hár qıylı sebeplerge bola kútilmegende awır jaǵdayǵa túsken nawqaslarǵa járdem beriw maqsetinde qan hám qan komponentleri, preparatları qáwipsizligin támiyinlewde biyǵárez donor bolıwǵa shaqırdı.

Filial Baspasóz xızmeti.