Joqarı oqıw orınları studentlerin hár qıylı ilajlar sheńberinde birlestirip atırǵan «Jańa Ózbekstan jasları, birleseyik!» uranı astında ótkerilip atırǵan «Studentler báhári» festivalı sheńberinde Ózbekstan mámleketlik dene tárbiyası hám sport universiteti Nókis filialında «Deputat hám jaslar», «Ministr hám jaslar» ushırasıwı bolıp ótti.

 Ushırasıwdı Ózbekstan mámleketlik dene tárbiyası hám sport universiteti Nókis filialı direktorı B.Mambetov kiris sóz benen ashtı hám basqarıp bardı.

Soń Qaraqalpaqstan Respublikası Jaslar siyasatı hám sport ministri w.w.a Adilbek Allanazarov hám Qaraqalpaqstan Respublikası Joqarǵı Keńes deputatı Xalila Eshimbetovlar sózge shıǵıp olar Ózbekstan Respublikası Prezidentiniń baslaması menen elimizde studentlerge, jaslarǵa jaratılıp atırǵan imkaniyatlar, múmkinshilikler haqqında keń túrde maǵlıwmatlar berip ótti hám jaslardı bunday imkaniyatlardan nátiyjeli paydalanıwǵa shaqırdı.

Bunnan tısqarı házirgi waqıtta sportshılardıń elimizde, xalıqaralıq sport jarıslarında erisip atırǵan tabısların maqtanısh penen tilge aldı.

 Sonday-aq, ushırasıw barısında studentler ózlerin qızıqtırǵan sorawlarına juwaplar aldı.

  Filial Baspasóz xızmeti.