Ózbekstan mámleketlik dene tárbiyası hám sport universiteti Nókis filialı máhállelerdegi jaslardıń bos waqıtların kewilli hám mazmunlı ótkeriw, olardı sportqa keńnen tartıw maqsetinde sport túrlerine qarap turaqlı túrde hár qıylı sport jarısların ótkerip kelmekte.

Usı tiykarda búgin «Turan» mákan puqaralar jıyını aymaǵındaǵı jámlespegen jaslardıń bos waqıtların mazmunlı ótkeriw maqsetinde sporttıń shaxmat túrinen ashıq filial birinshligi bolıp ótti.

Birinshlikti direktordıń Jaslar máseleleri hám ruwxıy-aǵartıwshılıq isleri boyınsha birinshi orınbasarı D.Nurıshov kiris sóz benen ashtı hám qatnasıwshılarǵa tasqın tabıslar tiledi.

Keskin bellesiwlerge bay tárizde bolıp ótken jarıs sońında 1-orın qalamızdaǵı 37-sanlı ulıwma bilim beriw mektebi 8-klass oqıwshısı Paraxatov Timur, 2-orın qalamızdaǵı 37-sanlı ulıwma bilim beriw mektebi 2-klass oqıwshısı Alieva Adeliya hám 3-orın qalamızdaǵı 37-sanlı ulıwma bilim beriw mektebi 6-klass oqıwshısı Qutıbaeva Durdonalarǵa nesip eti.

Jeńimpazlar filial administraciyası tárepinen Diplom hám estelik sawǵaları menen sıylıqlandı.

Bunnan tısqarı belsene qatnasqan qatnasıwshılar nominaciyalar boyınsha sıylıqlandı.

Filial Baspasóz xızmeti.