Ertengi kúngi elimizdiń keleshegi bolǵan jaslar tálim-tárbiyasında, olardıń jetik kadrlar bolıp turmıstıń túrli tarawlarına kirip barıwlarında joqarı oqıw orınlarınıń tutatuǵın orını ayrıqsha. Bul baǵdarda Ózbekstan mámleketlik dene tárbiyası hám sport universiteti Nókis filialı miynet jámááti hám professor-oqıtıwshıları tárepinende bir qatar unamlı jumıslar alıp barmaqta.

  Búgin 14-iyun kúni Ózbekstan mámleketlik dene tárbiyası hám sport universiteti Nókis filialında ata-analar menen ushırasıw bolıp ótti.

 Ushırasıwdı filial direktorınıń Jaslar máseleleri hám ruwxıy-aǵartıwshılıq isleri boyınsha birinshi orınbasarı D.Nurıshov kiris sóz benen ashtı hám basqarıp bardı.

 Ushırasıw barısında filial qánigeleri tárepinen ishki tártip, yaǵnıy, studentlerdiń tártip intizamı, kiyiniw mádeniyatı, sabaqlarǵa qatnası, HEMIS baǵdarlaması boyınsha túsinikler berdi. Sonday-aq, oqıw jılı tamamlanıp jazǵı dem alısqa shıqqanda perzentleriniń bos waqıtlarında itibarlı bolıp hár qıylı buzǵınshı qóz-qaraslardı maqset etken sociallıq tarmaqlardaǵı kanallarǵa qosılıp qalıwlarınıń aldın alıw maqsetinde qol telefonları waqtı-waqtı menen qadaǵalap turıwǵa shaqırdı.

Bunnan soń ata-analar HEMIS baǵdarlaması, perzentleriniń sport jarıslarına qatnasqanda sabaqların ózlestiriw tártibi hám imtixanlarǵa qatnasıw baǵdarları sıyaqlı ózleri túsinbegen sorawlarına filial qánigelerinen anıq juwaplar aldı.

Filial Baspasóz xızmeti.