Ózbekstan mámleketlik dene tárbiyası hám sport universiteti Nókis filialın 2022-2023-oqıw jılında kúndizgi tálim hám arnawlı sırtqı bólimin 12 tálim baǵdarı boyınsha jámi 408 pitkeriwshi kurs studentleri pitkeriw aldında tur. Olar házirgi waqıtta juwmaqlawshı mámleketlik attestaciyasın tapsırmaqta.

  Filial basshılıǵı tárepinen pitkeriwshi kurs studentlerin turaqlı jumıs orınlarına jaylastırıw máselelerinede ayrıqsha kewil bólingen. Yaǵnıy, usı jıldıń 4-may kúni pitkeriwshi kurs studentlerin jumısqa jaylastırıw maqsetinde Ózbekstan mámleketlik dene tárbiyası hám sport universiteti Nókis filialında «Bos jumıs orınları miynet yarmarkası» shólkemlestirildi. Yarmarkaǵa qalamızda jaylasqan mákeme-qárxana hám shólkemler ózlerinde bar bos jumıs orınları menen qatnastı. Ótkerilgen «Bos jumıs orınları miynet yarmarkası» nda pitkeriwshi kurs studentleri ózlerine maqul dep bilgen jumıs orınları menen jaqınnan tanıstı hám tiyisli mákeme-kárxana hám shólkemlerden kelgen qánigelerden kerekli maǵlıwmatlar aldı.

  2022-2023-oqıw jılında filialdı kúndizgi tálim baǵdarın 349 pitkeriwshi oqıwların tabıslı pitkeriw aldında turǵan bolsa, olardan 346 pitkeriwshi jumısqa jaylasıw boyınsha tiyisli orınlar menen úsh tárepleme shártnamalar dúzdi.

  Maǵlıwmat ornında ótken 2021-2022-oqıw jılında filialdı jeti qánigelik boyınsha 107 student pitkerip shıqqan edi. kúnge kelip olardan 103 pitkeriwshi turaqlı jumıs orınlarında jumıs islep kelmekte.

Filial Baspasóz xızmeti.