27-iyun – Baspasóz hám ǵalaba xabar quralları xızmetkerleri kúni múnásibeti menen Ózbekstan mámleketlik dene tárbiyası hám sport universiteti Nókis filialında ǵalaba xabar quralları wákilleri menen ushırasıw bolıp ótti.

  Ilajdı filial direktorı B.Mambetov kiris sóz benen ashtı. Ol óz sózinde jurnalist hám blogerlerdi 27-iyun – Baspasóz hám ǵalaba xabar quralları xızmetkerleri kúni kásiplik bayramı menen qızǵın qutlıqladı. Taraw iyelerine filial iskerligin keń jámiyetshilik wákillerine jetkeriwde kórsetken xızmetleri, miynetleri ushın filial miynet jámááti atınan sheksiz minnetdarshılıǵın bildirdi hám aldaǵı jumıslarında tasqın tabıslar tiledi.

  Soń jurnalist hám blogerlerge bayram múnásibeti menen filial basshılıǵı tárepinen tayarlanǵan Húrmet jarlıǵı hám estelik sawǵaların tapsırdı.

  Óz náwbetinde ǵalaba xabar quralları wákilleri islegen miynetlerin bahalap húrmet kórsetip atırǵan filial miynet jámááti aǵzalarına ózleriniń sheksiz minnetdarshılıǵın bildirdi.

Filial Baspasóz xızmeti.