Ózbekstan mámleketlik dene tárbiyası hám sport universiteti Nókis filialına 2023-2024-oqıw jılı ushın hújjet tapsırǵan abiturientlerge kásiplik (dóretiwshilik) imtixanlar usı jıldıń 24-28-iyul kúnleri aralıǵında bolıp ótiwi rejelestirilgen.

 Búgin 22-iyul kúni ÓzMDTSU Nókis filialında kásiplik (dóretiwshilik) imtixanların alıwǵa bekitilgen filial professor-oqıtıwshıları qatnasında májilis bolıp ótti.

 Ushırasıwda kásiplik (dóretiwshilik) imtixanlardı ótkeriw tártibi, abiturientlerge hám olardıń ata-analarına jaratılıwı kerek bolǵan qolaylıqlar, waqıtları, bolıp ótetuǵın orınları, bahalaw kreteriyaları, ashıq-aydınlıqtı támiyinlew boyınsha isleniwi kerek bolǵan talaplar haqqında maǵlıwmatlar berip ótti.

 Sonıń menen birge kásiplik (dóretiwshilik) imtixanlar barısında júz bergen hár qanday mápler qaramaqarslıǵına nızamda belgilengen tártipte jınayıy juwapkershilik bar ekenligi haqqında túsinikler berip ótti.

Filial Baspasóz xızmeti.