Olimpiya hám Paralimpiya sport túrlerin rawajlandırıw basqarması baslıǵı R.Matkarimov 2023/2024-oqıw jılında ÓzMDTSU Nókis filialına hújjet tapsırıp búgin 24-iyul kúni sport túrleri boyınsha kásiplik (dóretiwshilik) imtixan tapsırıwǵa kelgen abiturientler hám olardıń ata-anaları menen ushırastı.

 Ushırasıw barısında basqarması baslıǵı R.Matkarimov abiturientler hám olardıń ata-analarına Ózbekstan Respublikası Prezidentiniń 2022-jıl 3-noyabr kúni «Dene tárbiyası hám sport tarawında kadrlardı tayarlaw hám ilimiy izlenisler sistemasın jáne de jetilistiriw is-ilajları haqqında»ǵı PQ-414-sanlı qararı tiykarında 2023/2024-oqıw jılı qabıllaw procesindegi ózgerisler haqqında túsinikler berdi.

 Sonday-aq, kásiplik (dóretiwshilik) imtixan barısında hár bir abiturient hám onıń ata-anaları ushın barlıq imkaniyatlar jaratılǵanlıǵı haqqında keń túrde maǵlıwmatlar berip ótti.

Filial Baspasóz xızmeti.