Búgin, 1-avgust kúni 2023-2024-oqıw jılı ushın joqarı oqıw orınlarına kiriw test sınaqları baslandı.

Test sınaqları kúnine eki smenada:

1-smenada 08:00 den 11:00 ge shekem;
2-smenada 15:00 den 18:00 ge shekem bolıp ótedi.

Nókis Olimpiya hám Paralimpiya sport túrlerine tayarlaw orayında abiturientler test sınaqlarına qatnaspaqta.

Usı test imtixanları bolıp ótip atırǵan orında Ózbekstan mámleketlik dene tárbiyası hám sport universiteti Nókis filialı tárepinen abiturientlerdiń ata-anaları ushın kútiw orınları, test procesin onlayn baqlaw imkaniyatı, bunnan basqa da zárúr sharayatlar jaratıldı.

Sonday-aq, ata-analardıń test procesi haqqındaǵı pikirlerin úyreniw maqsetinde filial volontyorları tárepinen sociologiyalıq sorawnamalarda ótkerilmekte.

Filial Baspasóz xızmeti.