Aldın xabar bergenimizdey Nókis olimpiya hám paralimpiya sport túrlerine tayarlaw orayında joqarı oqıw orınlarına 2023-2024-oqıw jılı ushın mámleketlik test imtixanları joqarı dárejede shólkemleskenlik penen bolıp ótpekte.

Búgin Joqarı bilimlendiriw, ilim hám innovaciyalar ministri I.Abdurahmonov ótkerilip atırǵan mámleketlik test imtixanlarınıń barısı hám ata-analar ushın jaratılǵan sharayatlar menen tanısıw maqsetinde Nókis olimpiya hám paralimpiya sport túrlerine tayarlaw orayında boldı.

Ol jerde ministr Joqarı oqıw orınları wákilleri qatarında Ózbekstan mámleketlik dene tárbiyası hám sport universiteti Nókis filialı volontyorları menen sáwbetlesti hám pikir-usınısların tıńladı.

Soń ministir ata-analar ushın imkaniyatlar jaratıp qoyǵan joqarı oqıw orınları basshılarına minnetdarshlıq bildirdi hám volontyorlardı materiallıq jaqtan xoshametlew boyınsha tapsırmalar berdi.

Filial Baspasóz xızmeti.