2023-2024-oqıw jılında 1-kursqa mámleketlik grant tiykarında studentlikke qabıl etilgen abiturientler dıqqatına!

Joqarı oqıw orınlarına kiriw test imtixanları juwmaqlawshı (mandat) nátiyjeleri boyınsha Ózbekstan mámleketlik dene tárbiyası hám sport universiteti Nókis filialına mámleketlik grant tiykarında oqıwǵa qabıl etilgen abiturientler ózleri tańlaǵan tálim baǵdarları boyınsha universitettiń qabıllaw komissiyasına xabarlasıp tómendegi hújjetlerdi usınıwı tiyis:

1) Puqaralıq pasport (ID karta) kopiyası;

2) Orta yamasa orta arnawlı oqıw ornın tamamlaǵanı haqqındaǵı hújjettiń tup nusqası;

3) 3,4×4,5 ólshemdegi 6 (altı) dana súwret;

4) Jeńillik (imtiyoz) berilgen bolsa onı tastıyıqlawshı hújjettiń tup nusqası.

Maǵlıwmat ornında; egerde qosımsha sorawlar bolsa (61) 224-09-61, (61) 224-27-78 telefon nomerlerine baylanısańız boladı.

Filial Baspasóz xızmeti.