Búgin 4-sentyabr kúni kópten kútken jańa oqıw jılı Ózbekstan hám Qaraqalpaqstan Respublikalarınıń giminleri menen «Jańa turmıs ushın, Jańa Ózbekstan ushın!» uranı astında baslandı.

 Ilajdı Ózbekstan mámleketlik dene tárbiyası hám sport universiteti Nókis filialınıń ilimiy isler hám innovaciyalar boyınsha direktor orınbasarı, pedagogika pánleri boyınsha filosofiya doktorı (PhD), docent M.Aytımbetov kiris sóz benen ashtı hám bársheni elimiz Ǵárezsizliginiń 32 jıllıq bayramı hám studentlerdi taza oqıw jılı menen qızǵın qutlıqladı.

 Soń eń joqarı ball menen mámleketlik grant tiykarında oqıwǵa qabıl etilgen birinshi kurs studentlerine filialdıń rámziy gilti hám studentlik gúwaqnaması saltanatlı túrde tapsırıldı.

 Bunnan soń filialdıń professor-oqıtıwshıları hám 1-kursqa studentlikke qabıl etilgen studentlerdiń ata-anaları sózge shıǵıp, bársheni jańa oqıw jılı menen qızǵın qutlıqladı hám oqıwlarında tabıslar tiledi.

 Soń jańa oqıw jılı «Ǵárezsizlik sabaqları» menen baslandı.

Filial Baspasóz xızmeti.