Aldın xabar bergenimizdey, usı jıldıń 16-31-avgust kúnleri Rossiya Federaciyasınıń Ekaterinburg qalasında 36 mámleket sportshıları qatnasıwında bolıp ótken Xalıqaralıq universitetler sport festivalında Ózbekstan mámleketlik dene tárbiyası hám sport universiteti Nókis filialı «Kórkem gimnastika» qánigeliginiń 3-kurs studenti Liliya Ibadullaeva da qatnasıp komandalıq esapta sıylı 3-orındı iyelep qola medalın qolǵa kirgizgen edi.

 Usı múnásibet penen Nókis xalıqaralıq aeroportında Qaraqalpaqstan Respublikası Jaslar siyasatı hám sport ministrligi, filial miynet jámááti aǵzaları hám sportshınıń ata-anaları menen birgelikte keń jámiyetshilik wákilleri tárepinen múnásip kútip alındı.

 Kútip alıw máresiminde sportshı qızımızdı keń jámiyetshilik wákilleri tárepinen erisken jetiskenlikleri menen qızǵın qutlıqladı.

 Sportshı qızımızdı Xalıqaralıq universitetler sport festivalına trenerlerden Nigora Palvanova tayarladı.

Filial Baspasóz xızmeti.