Ózbekstan Respublikası Ádillik ministrligi janındaǵı “Intellektual múlk orayı” (keyingi orınlarda – Mámleketlik mákeme) xalıqtıń intellektual múlk haqqında xabardarlıq dárejesin jáne de arttırıw, ilim hám ilimiy jumıs penen shuǵıllanıwshı shaxslardı qollap-quwatlaw hám intellektual iskerlik nátiyjesi iyelerin xoshametlew maqsetinde “Best IP – 2025” eń jaqsı intellektual múlk obektleri tańlawın járiyalaydı.

Tańlawda sońǵı 3 jıl (2022-2024-jıllar) dawamında qorǵaw hújjetleri alınǵan hám ámelde saqlanıp turǵan eń jaqsı oylap tabıw yamasa paydalı model, eń jaqsı selekciyalıq jetiskenlik, eń jaqsı sanaat úlgisi nominaciyaları boyınsha qabıl etiledi.

Tańlawda hár bir nominaciya boyınsha jeńimpaz bolǵan qatnasıwshılar Ádillik ministrliginiń húrmet jarlıǵı menen birge tómende kórsetilgen muǵdardaǵı aqshalay sıylıq penen sıylıqlanadı:

-eń jaqsı oylap tabıw yamasa paydalı model boyınsha bazalıq esaplaw muǵdarınıń 30 esesi;

-eń jaqsı selekciya jetiskenligi boyınsha bazalıq esaplaw muǵdarınıń 25 esesi;

-eń jaqsı sanaat úlgisi boyınsha bazalıq esaplaw muǵdarınıń 20 esesi.

Tańlawda qatnasıwdı qálewshiler hám intellektual iskerlik nátiyjesi iyeleri tárepinen 2025-jıldıń 1-fevral kúninen 1-aprel kúnine shekem komissiyaǵa tómendegi hújjetler usınıladı:

-“Best IP – 2025” eń jaqsı intellektual múlk obyektleri tańlawında qatnasıw ushın arza;

-obektten paydalanıw akti yamasa obyekttiń paydalanıwǵa tayarlıǵı haqqındaǵı hújjet (tájiriybe yamasa sanaat sınawı akti, licenziya shártnaması, engiziw akti hám basqalar).

Tańlawda qatnasıw ushın arzalar hám maǵlıwmatlardı tómendegi mánzilge jiberiwińiz múmkin.

Telefon: 71-232-50-19

Elektron pochta mánzili: tanlov@ima.uz

Mánzil: 100011, Toshkent qalası, Shayxontohur rayonı, Xadra mavzesi, 33-úy.