Ózbekstan Respublikası Prezidentiniń 2025-jıl 14-fevraldaǵı “Joqarı oqıw orınları pitkeriwshileriniń jumısqa jaylasıwına járdemlesiw boyınsha qosımsha ilajlar haqqında”ǵı arnawlı qararınıń orınlanıwın támiyinlew haqqındaǵı Joqarı bilimlendiriw, ilim hám innovaciyalar ministrliginiń qararına tiykarlanıp Ózbekstan mámleketlik dene tárbiyası hám sport universiteti Nókis filialında pitkeriwshi kurs studentleri menen ushırasıw bolıp ótti.

Ilajdı filial direktorınıń oqıw isleri boyınsha orınbasarı B.Utemuratov kiris sóz benen ashtı hám alıp bardı.

Onda Ózbekstan Respublikası Sırtqı ekonomikalıq isleri milliy banki Qaraqalpaqstan Respublikası Bas basqarması baslıǵınıń birinshi orınbasarı Ǵ.Esnazarov tárepinen mámleketimizde “Keleshekke qádem” baǵdarlaması tiykarında pitkeriwshi kurs studentleriniń bántligin támiyinlew baǵdarında ámelge asırılıp atırǵan reformalar, olarǵa óz biznes rejelerin baslawları ushın ajıratulatuǵın jeńilletilgen kreditler hám bul baǵdarda jaslarǵa qoyılatuǵın talaplar haqqında maǵlıwmatlar berildi.

Studentler bul baǵdarda ózlerin qızıqtırǵan sorawlarına tolıq juwaplar aldı.

Filial Baspasóz xızmeti.