“InnoWomenWeek-2025” – yaǵnıy “Oylap tabıwshı hayal-qızlar hápteligi” sheńberinde Ózbekstan mámleketlik dene tárbiyası hám sport universiteti Nókis filialında hayal-qızlardı innovaciyaǵa, ilimge hám texnologiyalıq dóretiwshilikke baǵdarlawǵa qaratılǵan túrli ilajlar, ushırasıwlar hám úgit-násiyat jumısları ótkerilmekte.

Jámiyetimizde hayal-qızlardıń ornı hám olardıń innovaciyalıq pikirlewdegi qatnası barǵan sayın artıp barmaqta. Ásirese, ilim, texnologiya hám injenerlik tarawlarında belsendi hayal-qızlardıń qatnasıwı zamanagóy rawajlanıwdıń ajıralmas bólegine aylanbaqta.

Bul baǵdarda “InnoWomenWeek-2025” hápteligi Ózbekstan boylap gender teńligin bekkemlew, ilimdi rawajlandırıw hám hayal-qızlardıń innovaciyaların qollap-quwatlaw jolındaǵı áhmiyetli qádemlerden biri sıpatında tán alınbaqta.

Ilgeri súrilip atırǵan bul baslama hayal-qızlardı ilimiy hám texnologiyalıq jumısqa tartıw emes, al olardıń dóretiwshilik ideyaların turmısqa engiziw, jetekshilik potencialın rawajlandırıw ushın keń imkaniyatlar jaratadı.

Filial Baspasóz xızmeti.