Ózbekstan mámleketlik dene tárbiyası hám sport universiteti Nókis filialında hayal-qızlardı basım, zorlıqtan qorǵaw, jınayatshılıq hám huqıqbuzarlıqlardıń aldın alıw maqsetinde filial student qızları qatnasında ushırasıw bolıp ótti.

Ushırasıwda Hayal-qızlar máseleleri boyınsha direktor orınbasarı B.Allambergenova, profilaktika inspektor, kapitan R.Ismaylov hám psixolog A.Alliyarovalar qatnasıwshılarǵa zorlıq hám basım bolǵanda qorǵanıw orderin alıw tártipleri, hayal-qızlar arasında ushırasıp atırǵan jınayatlar, olarǵa qollanılǵan jaza sharaları haqqında maǵlıwmatlar berip ótti.

Ilaj barısında hár bir qatnasıwshını júz beriwi múmkin bolǵan hár qanday jınayatlardan awlaq bolıwǵa shaqırdı hám studentler ózlerin qızıqtırǵan sorawlarına juwaplar aldı.

Filial Baspasóz xızmeti.