“Yuksalish” háreketi tárepinen Respublikalıq qan quyıw orayı menen birgelikte 28-oktyabrden 3-noyabrge shekem elimiz boylap “Biz – donormız!” qayırqomlıq akciyası dep járiyalanǵan edi.

Bul – basqalarǵa jaqsılıq etiw, qıyın jaǵdaydaǵı insanlarǵa járdem beriw niyetinde bolǵanlar ushın imkaniyat.

“Yuksalish” háreketiniń baslaması menen ótkerilip atırǵan “Biz – donormız!” atamasındaǵı donorlıq qayırqomlıq akciyasına Ózbekstan mámleketlik dene tárbiyası hám sport universiteti Nókis filialınıń kewil miynet jámááti aǵzaları hám studentleride belsendilik kórsetip qan tapsırdı.

Bul baslamanıń maqsetin túsingennen soń, mende hámme qatarı tapsırıwǵa razı boldım. Sebebi, bizler tapsırǵan qan hár kúni qıyın jaǵdaylarǵa túsken insanlardıń ómirin saqlap qaladı eken. Awır operaciyalardı basınan ótkergen nawqaslar, avtoavariyalarda jábirlengenler, onkologiyalıq kesellikler menen awırǵanlar hám qan quyıwdı talap etetuǵın basqa da kóplegen diagnozları bar adamlar ushın áhmiyetli eken. Men usı akciyada qatnasıp nawqaslarǵa járdem bergenimnen quwanıshdıman deydi,- akciyada qatnasıp qan tapsırǵan studentlerden biri.

Bunday ilajlardı turaqlı ótkeriw emlewxanalar hám medicina oraylarında qannıń jeterli dárejede támiyinleniwine járdem beredi. Bul ásirese, ayrıqsha jaǵdaylar hám rejelestirilgen operaciyalar ushın áhmiyetli.

Filial Baspasóz xızmeti.