Gúz-qıs máwsimin qáwipsiz hám zıyansız ótkeriw studentlerdiń qáwipsizligin támiyinlew maqsetinde Qaraqalpaqstan Respublikası Ayrıqsha jaǵdaylar basqarması baslıǵınıń orınbasarı podpolkovnik J.Rozibaev hám Nókis qalalıq Ayrıqsha jaǵdaylar bólimi baslıǵı podpolkovnik A.Qurbanovlar Ózbekstan mámleketlik dene tárbiyası hám sport universiteti Nókis filialınıń gúz-qıs máwsimge tayarlıq jaǵdayın úyrendi hám filial tyutorları menen sáwbetlesti.

Sáwbetlesiw barısında ijara shártnaması tiykarında ijara úylerinde jasap atırǵan studentlerdiń úyleriniń qazanqanaları hám morılarınıń gúz-qıs máwsimine tayarlıǵın úyreniw boyınsha kelisip aldı.

Soń Ayrıqsha jaǵdayları basqarması qalalıq bólimi qánigeleri tyutorlar menen birgelikte ijara úyleriniń máwsimge tayarlıǵın úyrendi hám ijarada jasawshı studentlerge órt qáwipsizligi qaǵıydalarına qatań ámel etiw kerekligi haqqında túsindiriw jumısların alıp bardı.

Filial Baspasóz xızmeti.