Aldın xabar bergenimizde usı jıldıń 17-28-noyabr kúnleri Tailandta gandbol boyınsha U-19 qızlar arasında xalıqaralıq gandbol federaciyası kuboginiń Aziya basqıshı bolıp ótken edi.

Onda Ózbekstan saylandı komandası quramında filial «gandbol» qánigeligi studentleri Sarbinaz Saparbaeva hám Dilfuza Ibragimovalarda qatnasqan edi.

Búgin Ózbekstan mámleketlik dene tárbiyası hám sport universiteti Nókis filialı direktorı, professor B.Erimbetov Tailandta gandbol boyınsha U-19 qızlar arasında xalıqaralıq gandbol federaciyası kuboginiń Aziya basqıshında qatnasqan hám Ózbekstan saylandı komandasınıń bul jarısta 1-orındı iyelep, altın medaldı alıwda salmaqlı úles qosqan filial studentleri S.Saparbaeva hám D.Ibragimovalardı qabılladı.

Qabıllaw barısında filial direktorı studentlerdi erisken tabısları menen qutlıqladı hám olarǵa aldaǵı jarıslarda bunnanda jaqsı nátiyjelerge erisiwlerine tilekleslik bildirdi.

Filial Baspasóz xızmeti.