Joqarı bilimlendiriw, ilim hám innovaciyalar ministriniń buyrıǵına muwapıq, 2025/2026-oqıw jılı ushın Ózbekstan Respublikası Prezidenti hám atlı mámleketlik stipendiyalarınıń respublikalıq basqısh tańlawları usı jıldıń 22-29-yanvar kúnleri bolıp ótedi.

Prezident mámleketlik stipendiyası ushın:

Bakalavriat tálim baǵdarları hám magistratura qánigelikleri boyınsha talabanlar “Ózbekstan tariyxı,” “Málimleme texnologiyaları” hám “Shet tiller” pánlerinen test sınaqlarında qatnasadı.

Test sınaqları sánesi: 2026-jıl 27-yanvar

Mánzil: Tashkent qalası, YUnusabad rayonı, Boǵishamol kóshesi, 12-jay (Bilim hám mamanlıqlardı bahalaw agentligi imaratı).

Test sınaqlarına talabanlardan shaxstı tastıyıqlawshı hújjetleri menen belgilengen waqıttan keshikpey keliwleri qatań soraladı.

Maǵlıwmat ushın: 2025/2026-oqıw jılı ushın Prezident hám atlı mámleketlik stipendiyalar tańlawın ótkeriw REJESINE bola, atlı mámleketlik stipendiyalarǵa hújjet tapsırǵan talabanlardıń ilimiy jumısları hám erisken jetiskenlikleri ekspertler tárepinen bahalanadı.

Tańlaw nátiyjeleri my.edu.uz elektron sisteması arqalı járiyalanadı.

Filial Baspasóz xızmeti.