Ózbekstan mámleketlik dene tárbiyası hám sport universiteti Nókis filialı Málimleme resurs-orayı baslıǵı K.Tóreshova shólkemlestiriwinde «Kitapqumar» dógeregi aǵzaları menen Qaraqalpaqstan Respublikası xalıq jazıushısı,  “Doslıq” ordeni iyesi, filologiya ilimleriniń kandidatı, “Antik dúnya” xalıqaralıq akademiya akademigi, “Altın qálem” sıylıǵı iyesi Allanazar Abdiev penen ushırasıw bolıp ótti.

Onda xalqımızǵa belgili jazıwshı Allanazar Abdiev ushırasıw qatnasıwshılarına óziniń ómir jolı, dóretiwshiligi, hár bir shıǵarmasınıń dóreliw tariyxı hám usı kúnge shekem baspadan jarıq kórgen kitapları haqqında keń túrde túsinikler berdi.

Ilaj sońında «Kitapqumar» dógeregi aǵzaları Qaraqalpaqstan Respublikası xalıq jazıushısına ózlerin qızıqtırǵan sorawlarına juwaplar aldı hám estelik ushın súwretke tústi.

Filial Baspasóz xızmeti.